ÍSLE1FV05

Titill

Frumverk

Í áfanganum er lagt upp með að nemendahópurinn kynnist vel innbyrðis og öðlist þannig meira sjálfstæði og öryggi í náminu. Einnig er lögð áhersla á að undirbúa nemendur undir frekara nám í íslensku á framhaldsskólastigi. Það er gert með því að fara í undirstöðuatriði ritunar, bókmennta og málnotkunar. Að auki er lögð áhersla á að nemendur styrki grunn sinn í íslensku, öðlist sjálfstæði í ritun og tjáningu og efli ábyrgðartilfinningu gagnvart sjálfum sér, námi sínu og umhverfi. Áhersla er lögð á að nálgast viðfangsefni á fjölbreyttan og skapandi hátt. Einnig er lögð áhersla á að efla færni í tjáningu og styrkja jákvætt viðhorf til námsgreinarinnar. Með fjölbreyttri verkefnavinnu öðlast nemendur sjálfstæði í vinnubrögðum og framsetningu verkefna. Námið fer fram með verklegum æfingum, munnlegum og skriflegum, og farið er fram á að nemendur sýni mikla samvinnu, frumkvæði, sjálfstæði og vönduð vinnubrögð.

Nemandi skal hafa aflað sér þekkingar og skilnings á:

• Inntaki í völdum bókmennta- og nytjatextum
• orðaforða umfram það sem gerist í talmáli
• grunnhugtökum í ritgerðarsmíð
• inntaki í nokkrum völdum bókmennta- og nytjatextum
• helstu hugtökum sem nýtast við umfjöllun um bókmenntir

Nemandi skal hafa öðlast leikni í að:

• flytja af nokkru öryggi ræður og annað framsagnarefni
• lesa sér til gagns og gamans bókmenntaverk jafnt sem nytjatexta og fjalla um inntak þeirra
• skrifa ýmsar tegundir nytjatexta í samfelldu máli þar sem framsetning er skýr og skipulögð
• vinna með íslenskt mál á fjölbreyttan hátt
• vinna skapandi verkefni

Nemandi skal geta hagnýtt þá þekkingu og leikni sem hann hefur aflað sér til að:

• halda uppi samræðum
• rökstyðja eigin fullyrðingar, ákvarðanir eða skoðanir á ýmsan hátt
• koma með skapandi lausnir að ólíkum viðfangsefnum
• beita einföldum blæbrigðum í málnotkun til að forðast einhæfni og endurtekningar
• túlka og meta persónur og atburðarás í bókmenntum og annars konar frásögnum