Stúdentsbraut - búfræðilína

 Landbúnaðarháskóli Íslands og Fjölbrautaskóli Suðurlands standa saman að námsbraut þar sem nemendur hafa kost á að útskrifast með stúdentspróf frá FSu og búfræðipróf frá LbhÍ. Búfræðilínu á stúdentsbraut er ætlað að veita nemendum undirbúning undir háskólanám í náttúru- og búvísindum og tekur að jafnaði 4 ár. Nemendur taka tvö fyrstu árin (4 annir) í Fjölbrautaskóla Suðurlands þar sem megináherslan er á kjarnagreinar til stúdentsprófs og valdar greinar á sviði raungreina. Seinni tvö árin taka nemendur við búfræðibraut Landbúnaðarháskóla Íslands á Hvanneyri. Nemendur brautskrást með stúdentspróf frá Fjölbrautaskóla Suðurlands og búfræðipróf frá Landbúnaðarháskóla Íslands.

Val á nemendum á brautina byggir á því að nemendur hafi reynslu af störfum í landbúnaði og uppfylli önnur þau inntökuskilyrði sem kveðið er á um fyrir búfræðinám í LbhÍ á Hvanneyri.

*Missi nemendur af félagsfræði og umhverfisfræði á fyrsta þrepi taka þeir aðra áfanga í félags- og náttúrufræðigreinum í staðinn.

**SKYN2HJ01 er námskeið sem boðið er upp á í skólanum. Nemendur þurfa að ljúka a.m.k. 12 klukkustunda námskeiði í skyndihjálp.