Stúdentsbraut - náttúrufræðilína

 Brautin tekur gildi frá og með haustönn 2018. Eldri braut má nálgast hér

Náttúrufræðilínu á stúdentsbraut er ætlað að búa nemendur undir nám í raunvísindum, heilbrigðisgreinum, verkfræði eða skyldum greinum á háskólastigi. Að námi loknu eiga nemendur að hafa góða undirstöðuþekkingu í raunvísindum og stærðfræði og vera færir um að nýta hana við margvísleg verkefni í daglegu lífi, starfi og við frekara nám.

Meðalnámstími 6-7 annir. Brautin er 200 einingar sem skiptast í kjarna, sem er 177-182 einingar, og frjálst val, 23-18 einingar sem nemandinn velur sjálfur. Hafa þarf í huga að einingar á þriðja þrepi þurfa að vera að lágmarki 34 og samanlagður einingafjöldi á öðru og þriðja þrepi þarf að vera að lágmarki 134.

Röðun í byrjunaráfanga í dönsku, ensku, íslensku og stærðfræði tekur mið af hæfnieinkunn úr grunnskóla og til að hefja nám á öðru hæfniþrepi þarf einkunn B eða hærra. Nánari leiðbeiningar um inntökuskilyrði og röðun í kjarnaáfanga.

*Missi nemendur af félagsfræði og umhverfisfræði á fyrsta þrepi taka þeir aðra áfanga í félags- og náttúrufræðigreinum í staðinn.

Mikilvægt er að nemendur dýpki sig í ákveðnum greinum til að vera betur í stakk búnir til að takast á við frekara nám og mæta aðgangsviðmiðun þeirrar námsleiðar sem þeir stefna á í háskóla eða frekara námi (sjá aðgangsviðmið háskólanáms).

 Eldri braut

Kjarni: 101 ein. (sjá kjarna: Stúdentsbraut-opin lína)

ATH. Nemendur á Náttúrufræðilínu þurfa að taka STÆR2AF05 og STÆR2HV05 sem hluta af kjarna.

Náttúrufræðikjarni: 50 ein

Náttúrufræðival: 15 ein

Í náttúrufræðivali þurfa nemendur að velja 15 ein úr eftirfarandi greinum: Eðlisfræði, efnafræði, líffræði, jarðfræði, líffæra- og lífeðlisfræði, stjörnufræði, umhverfisfræði. Að auki geta nemendur valið að vinna lokaverkefni (5 ein á þriðja þrepi) á síðustu önn.

Frjálst val: 34 ein 

Mikilvægt að nemendur hafi eftirfarandi í huga við val:

Til að ljúka stúdentsprófi þarf að ljúka að lágmarki 67 ein á 2. þrepi og 33 ein á 3. Þrepi. Lágmarksfjöldi ein til að ljúka stúdentsprófi er 200 ein, af þeim þurfa minnst 134 ein að koma af 2.-3.þrepi.