Vélvirkjun

Vélvirkjun

Nemendur sem hyggja á nám í vélvirkjun fara fyrst á Málmiðnaðarbraut – grunnnám. Að henni lokinni geta nemendur bætt við tveimur önnum í Vélvirkjun. Meðalnámstími í vélvirkjun er sex annir en að þeim loknum fara nemendur í starfsþjálfun á vinnumarkaði. Að starfsþjálfun lokinni geta nemendur tekið sveinspróf í vélvirkjun.

Markmið náms í vélvirkjun er að nemandinn hljóti faglega undirstöðumenntun til að takast á við þau viðfangsefni sem vélvirkjar inna af hendi, þ.e. uppsetningu, viðhaldi, viðgerðum og þjónustu véla og tæknibúnaðar skipa, vinnslustöðva, vinnuvéla, verksmiðja, orkuvera og orkuveitna. Vélvirkjun er löggilt iðngrein og lýkur með sveinsprófi.

Áfangar Vélvirkjunar að loknu námi af málmiðnaðarbraut - grunnnámi:

í vinnslu

Nám á vélvirkjabraut er 2xx eininga löggilt iðnnám með námslok á 3. hæfniþrepi. Námið undirbýr nemendur undir störf vélvirkja sem er lögverndað starfsheiti. Í starfi þeirra felast meðal annars uppsetningar, viðhald, viðgerðir og þjónusta við vélar og tæknibúnað skipa, vinnslustöðva, vinnuvéla, verksmiðja, orkuvera og orkuveitna. Jafnframt krefst starfið hæfni til að velja vinnuaðferðir, efni og verkfæri og fara eftir kröfum um öryggismál. Í starfi sínu sýna þeir sjálfstæð vinnubrögð og frumkvæði.  Að fengnu prófskírteini sem vottar útskrift af viðkomandi námsbraut og vottorði um að starfsþjálfun sé lokið getur nemandi sótt um að taka sveinspróf sem leiðir til útgáfu sveinsbréfs.

Röðun í byrjunaráfanga í kjarnagreinum tekur mið af hæfnieinkunn úr grunnskóla og til að hefja nám á öðru hæfniþrepi þarf einkunn B eða hærra. Nánari leiðbeiningar

Meðalnámstími 6 annir í skóla og XXvikur í starfsþjálfun, þ.e. 100 einingar.