Íþróttabraut

Íþróttabraut er 90 eininga námsbraut á 2. hæfniþrepi. Námið veitir góða almenna menntun í bóklegum greinum og íþróttagreinum. Námi á brautinni er ætlað að búa nemendur undir áframhaldandi nám og störf með börnum og ungmennum þar sem undirstöðuhæfni í íþróttum kemur að notum, s.s. störf aðstoðarfólks í leikskólum og skólum, ásamt því að vera færir um að aðstoða við kennslu og þjálfun íþrótta hjá íþróttafélögum. Meðalnámstími er 3-4 annir. 

Nemendur taka áfanga í ensku, íslensku, stærðfræði og dönsku á öðru hæfniþrepi hafi þeir staðist námsáfanga á fyrsta þrepi og hafa hæfni til að takast á við nám á öðru hæfniþrepi. Þeir nemendur sem hefja nám á 1. þrepi í ensku, íslensku eða stærðfræði þurfa mögulega að nýta valeiningar eða taka fleiri en 90 einingar til að ljúka brautinni. Nánari leiðbeiningar um inntökuskilyrði og röðun í kjarnaáfanga.

Í vali eru 15 - 25 eining en fjöldi eininga í frjálsu vali fer eftir röðun í byrjunaráfanga í ensku, íslensku og stærðfræði.

Eldri braut

Íþróttabraut

Lýsing: Á íþróttabraut er lögð áhersla á að nemendur læri um hlutverk þjálfara og leiðbeinenda í íþróttastarfi.  Að þessu námi loknu á nemandinn að geta skipulagt og stjórnað æfingatíma hjá börnum og unglingum á byrjendastigi.

Skilgreind á 2. hæfniþrepi

Einingar: 90

Námstími: 3-4 annir

Á brautinni er lögð áhersla á kjarnagreinar auk sérgreina í íþróttafræðum/íþróttagreinum

Kjarni 52 einingar

Frjálst val 38 einingar

Athugið að af heildareiningafjölda brautarinnar þurfa a.m.k. 45 einingar að vera af 2. þrepi og/eða 3. þrepi.