Fréttir

Af jöklaferð

25. apríl s.l. gengu nokkrir vaskir nemendur, ásamt kennurum á Eyjafjallajökul. Dagurinn var tekinn snemma og keyrt austur að Seljavallalaug þar sem gangan hófst. Förinni var heitið upp á topp jökulsins sem er í 1666m hæð.
Lesa meira

Kórinn fer á flakk

Kór Fsu er nýkomin heim úr velheppnaðri Dublinarferð. Góð og skemmtileg stemming ríkir í hópnum og allir í feikna söngformi. Í fyrra heimsótti kórinn Dvalarheimilið á Selfossi en vill nú gera enn betur og var því ákveðið að taka rúntinn 2. Maí og heimsækja Hveragerði, Selfoss, Hellu og Hvolsvöll og koma við öllum dvalarheimilum er við finnum á þessari leið og syngja fyrir heimilsfólkið. Kórinn mun syngja nokkur lög á hverjum stað og taka síðan nokkur fjöldasöngslög með öllum.
Lesa meira

Málstofa nemenda á sjúkraliðabraut

Miðvikudaginn 3.mai 2017 munu útskriftanemar af sjúkraliðabraut skólans kynna lokaverkefni sín. Þetta eru 10 verkefni um hin ýmsu efni sem tengjast sjúkraliðanáminu. Málstofan hefst kl. 09.30 – 11.00 í stofu 3 í Iðu, íþróttahúsi FSU. Veitingar í boði, að lokinni málstofu. Allir velkomnir.
Lesa meira

Leiklistarnemendur FSu sýna tvö leikverk í Þjóðleik

Nemendur í leiklistaráföngum í FSu sýna tvö verk á leiklistarhátíðinni Þjóðleikur í Hveragerði helgina 21.-23. apríl. Þjóðleikur er leiklistarhátíð ungs fólks sem haldin er annað hvert ár á landsbyggðinni. Verkefnið er haldið að frumkvæði Þjóðleikhússins í góðu samstarfi við menningarráð, skóla, leikfélög og fjölda annarra aðila. Viðurkennd leikskáld eru fengin til að skrifa krefjandi og spennandi verk fyrir 13-20 ára leikara sem svo eru sett upp í hinum ýmsu byggðum landsins. Í hverjum landshluta fer fram lokahátíð að vori þar sem allar sýningarnar eru sýndar.
Lesa meira

Páskafrí í FSu

Páskaleyfi í FSu verður frá 8.apríl til 19. apríl. Kennsla hefst aftur eftir leyfi miðvikudaginn 19. apríl kl. 8.15. Skrifstofa skólans verður lokuð frá 8. apríl og opnar aftur kl. 9.00 þriðjudaginn 18. apríl. Gleðilega páska
Lesa meira

Kosningaúrslit - nýtt nemendaráð kosið

Kosningar í nemendaráð FSU fóru fram í liðinni viku. Kosningarnar voru spennandi og margir í framboði um hvert embætti. Kosningar fóru svona: Formaður Nemendaráðs: Þórunn Ösp Jónasdóttir Varaformaður: Elísabet Davísdóttir Gjaldkeri: Matthías Bjarnason
Lesa meira

Högni í Hjaltalín, Zumba og DJ Snorri á Regnbogadögum

Regnbogadögum lauk nú í vikunni. Á mánudag kom tónlistarmaðurinn Högni Egilsson og spjallaði við nemendur um lífið og tilveruna um leið og hann spilaði fyrir nemendur á flygil skólans. Högni talaði opinskátt um sjálfan sig, veikindi sín og tónlistina sína. Salurinn var troðfullur af áhugasömum nemendum, en Högni er vel þekktur tónlistarmaður verandi meðlimur í hljómsveitunum Hjaltalín og Gus Gus. Regnbogadögum var svo lokað með hressilegu Zumba á þriðjudeginum undir stjórn Silju Þorsteinsdóttur, dans- og íþróttakennara. Húsið nötraði svo í hádeginu þegar DJ Snorri Ástráðs þeytti skífur fyrir nemendur í miðrýminu.
Lesa meira

Opið hús þriðjudaginn 4. apríl

FSu verður með opið hús þriðjudaginn 4. apríl kl. 16:30-18:30 þar sem námsframboð við skólann verður kynnt. 10. bekkingar og forráðamenn eru sérstaklega velkomnir. Opnar smiðjur í verknámi og listnámi. Kór skólans syngur nokkur lög og heitt verður á könnunni. Sjáumst í FSu!
Lesa meira

Söngur og umhverfismál á gulum Regnbogadegi

Í dag var gulur regnbogadagur og í skólann komu fulltrúar ungra umhverfissinna til að kynna samtökin. Einnig mættu þær Kolbrún Lilja Guðnadóttir og Karítas Harpa Davíðsdóttir og sungu nokkur lög fyrir nemendur og starfsfólk. Kolbrún og Karítas eru fyrrum nemendur við FSu. Góð stemning á gulum degi.
Lesa meira