Verkaskipting

Skólameistari
Starfandi skólameistari er Olga Lísa Garðarsdóttir. Skólameistari hefur yfirumsjón með starfsemi skólans, húsum hans og rekstri öllum. Hann ber ábyrgð á að öll starfsemi hans sé í samræmi við lög, reglugerðir og aðalnámskrá og önnur gildandi fyrirmæli á hverjum tíma. Hann ber ábyrgð á að fylgt sé fjárhagsáætlun skólans og hefur frumkvæði að viðhaldi  skólanámskrár og umbótastarfi innan skólans.
Skólameistari er ráðinn til 5 ára og ber ábyrgð á starfsemi skólans, innritun nemenda, menntunar- og uppeldishlutverki skólans, þróunarstarfi innan hans, eigum, fjárreiðum og öllum rekstri.  Hann hefur yfirumsjón með allri áætlanagerð og sér um að lögum, reglugerðum og námskrá sé framfylgt.  Skólameistari sér um tengsl skólans við aðstandendur nemenda, yfirvöld og aðila í atvinnulífi.

Aðstoðarskólameistari
Aðstoðarskólameistari er Þórarinn Ingólfsson. Aðstoðarskólameistari er ráðinn til fimm ára í senn og er staðgengill skólameistara og vinnur með honum við daglega stjórn skólans og rekstur. Meðal sérverkefna má nefna almennt starfsmannahald, launamál, faglega aðstoð við sviðsstjóra svo sem eftirlit með gerð og framkvæmd kennsluáætlana. Einnig hefur hann umsjón með gerð kennsluskiptingar og brautskráningu nemenda. Aðstoðarskólameistari er umsjónarmaður öldungadeildar og meistaraskóla.

Áfangastjóri
Áfangastjóri er Björgvin E. Björgvinsson. Áfangastjóri hefur umsjón með rekstri áfangakerfis skólans. Hann sér um námsferilsskráningu, fjarvistarskráningu og stundatöflugerð og hefur yfirumsjón með námsvali nemenda í samráði við náms-og starfsráðgjafa og umsjónarkennara.

Kennslustjóri á Litla Hrauni
Kennslustjóri hefur umsjón með skipulagningu og kennslu á ákveðnum starfsviðum skólans. Við Fjölbrautaskóla Suðurlands er starfandi kennslustjóri á Litla-Hrauni og er það Gylfi Þorkelsson.

Sviðsstjórar
Sigursveinn Már Sigurðsson, tungumál, samfélagsgreinar og lífsleikni. 
Guðbjörg Helga Guðmundsdóttir, stærðfræði, raungreinar, starfsmenntir, listir og íþróttir.
Sviðsstjórar vinna í nánu samstarfi við yfirstjórn annars vegar og kennslustjóra og fagstjóra hins vegar.
Þeir:

- sitja vikulega fundi með yfirstjórn skólans.                                                                            

- sitja vikulegan sviðsstjórafund.                                                                                            

- skipuleggja fundi með kennslu- og fagstjórum í lok skólaárs þar sem farið er yfir skólaárið og línurnar lagðar fyrir starf næsta skólaárs í samráði við skólastjórnendur.

- skipuleggja fagfundi í samstarfi við kennslustjóra.                                                                  

- aðstoða kennslustjóra varðandi málefni deilda eftir þörfum.                                                      

- aðstoða kennslustjóra (einkum stærri deilda) við að halda utan um verkefni á prófatíma.               

- aðstoða kennslustjóra við keppni í viðkomandi greinum (t.d. stærðfræðikeppninog stóra upplestrarkeppnin.)

- vinna að yfirlestri og uppfærslu heimasíðu skólans, og vinna að úrbótum í samvinnu við vefstjóra.

- vinna að endurskoðun og viðhaldi skólanámskrár, í samvinnu við yfirstjórn og kennara.

- eru skólastjórnendum til ráðuneytis varðandi ráðningarmál.

- vinna í samráði við námsráðgjafa og kennslustjóra að úrræðum fyrir "spólara" í kerfinu.

- hafa umsjón með innheimtu kennsluáætlana og koma þeim út á vef skólans.

- hafa umsjón með innheimtu lokaprófa og koma þeim á Moodle vef skólans.

- hafa umsjón með gerð ársskýrslu skólans í lok skólaárs.

- safna saman og greina tölulegar upplýsingar um skólastarfið frá ári til árs, vinna að úrbótaferli og viðhaldi þess í samvinnu við áfangastjóra.  

- taka þátt í skólakynningum með náms- og starfsráðgjöfum fyrir grunnskólanemendur.

- sitja í sjálfsmatsteymi skólans ásamt aðstoðarskólameistara.

- taka þátt í töflubreytingum í upphafi annar.

- annast leiðréttingar á vali nemenda ásamt náms- og starfsráðgjöfum að fengnum niðurstöðum prófa.

- veita nemendum verðlaun/viðurkenningu við útskrift.

Sviðsstjóri A

- Ber ábyrgð á skipulagningu og framkvæmd lokaprófa/prófstjórn.

Sviðsstjóri B

- Sér um töflugerð í samvinnu við áfangastjóra.

 

Sviðsstjóri starfsbrautar

Sviðsstjóri starfsbrautar er Jóhanna Guðjónsdóttir.
Sviðsstjóri starfsbrautar er starfandi við skólann. Hann gerir áætlanir um sérkennslu og framkvæmd hennar, annast sérkennslu þeirra nemenda sem á henni þurfa að halda og hefur umsjón með sérhæfðri námsbraut (Starfsbraut) fyrir seinfæra og fatlaða nemendur.


Kennslustjórar

- Vinna í nánu samstarfi við sviðsstjóra, kennara og yfirstjórn.

- Vinna náið með sviðstjóra námsgreina kennslustjóra.

- Vinna með kennurum að gerð kennsluáætlana í kennslugreinum og sjá til þess að í upphafi annar séu þær til staðar í möppu á innra neti skólans.

- Hafa yfirsýn yfir kennslu í námsgreinunum sem eru undir þeirra stjórn.

- Vinna að hagsmuna- og framfaramálum námsgreinanna.

- Hafa umsjón og eftirlit með gerð lokaprófa, frágangi prófa, dreifingu þeirra á prófstað, skilum á einkunnum.

- Stuðla að góðu verklagi við námsmat.

- Eru aðstoðarskólameistara og sviðsstjórum til ráðgjafar varðandi kvartanir nemenda um einkunnagjöf.

- Eru stjórnendum til samráðs um áherslur í skólastarfinu á hverjum tíma,  kennsluaðferðir, kennsluskiptingu, áfanga í boði o.fl. þ. h.

- Hafa umsjón með handleiðslu nýrra kennara í viðkomandi kennslugreinum.

- Hafa umsjón með því að val á námsefni liggi fyrir og berist bóksölu á tilsettum tíma.

- Veita upplýsingar um nám og kennslu í viðkomandi kennslugreinum og aðstoðar við keppni í viðkomandi námsgreinum í samvinnu við sviðsstjóra.

- Skrifa skýrslu í lok skólaárs í samvinnu við fagstjóra, kennara og sviðstjóra.

- Sitja uppgjörsfund með sviðstjórum í lok annar.

- Skipuleggja fagfundi í samvinnu við sviðstjóra.

- Senda fréttastjóra upplýsingar um fréttnæmt efni deildar/námsgreina.


Fagstjórar

- Hafa yfirsýn á námsgreinina.

- Taka þátt í samráði með kennslu- og sviðstjórum varðandi sértæk mál er snúa að námi nemenda í námsgreininni.

- Fylgjast með og koma með ábendingar um uppfærslu/endurnýjun á kennsluefni og tækjum námsgreinar.

- Eru stjórnendum til samráðs um áherslur í skólastarfinu á hverjum tíma, kennsluaðferðir, kennsluskipting, áfangaframboð o.fl. þ. h.

- Koma efni um námsgrein í Ársskýrslu í umsjón sviðstjóra.

- Senda fréttastjóra upplýsingar um fréttnæmt efni námsgreinar.


Kennarar
Kennarar kenna og meta nám í kennslugrein sinni, þeir  fylgjast með í greininni, stuðla að þróun hennar og huga að tengslum við aðrar greinar, taka þátt í samstarfi um starf og stefnu skólans og starfa með öðrum kennurum skólans að sameiginlegum viðfangsefnum.  Allir fastir kennarar hafa viðtalstíma fyrir nemendur og eru þeir auglýstir sérstaklega.
Sjá viðtalstíma kennara

Náms- og starfsráðgjafar
Við skólann starfa náms- og starfsráðgjafar sem eru nemendum og aðstandendum þeirra til ráðgjafar og stuðnings um allt það er að námi og skólagöngu lýtur, en auk þess geta nemendur leitað til þeirra með önnur persónuleg mál, einkum þau sem hafa áhrif á skólasókn og námsferil.  Náms-og starfsráðgjafar meta hvort unnt sé að leysa úr málum innan skólans eða hvort leita þurfi eftir sérhæfðari meðferð til viðeigandi sérfræðinga eða stofnana.
Náms- og starfsráðgjafar eru bundnir þagnarskyldu og því trúnaðarmenn nemenda.
Skólameistari ræður náms-og starfsráðgjafa í samráði við skólanefnd. Náms-og starfsráðgjafi skal hafa lokið námi í náms- og starfsráðgjöf frá háskóla. 
Náms-og starfsráðgjafar eru: Agnes Ósk Snorradóttir, Anna Fríða Bjarnadóttir og Bjarney Sif Ægisdóttir. Auk þess er Lóa Hrönn Harðardóttir náms- og starfsráðgjafi í fangelsum á Íslandi.

Umsjónarkennarar
Umsjónarkennarar eru tengiliðir nemenda við kennara og stjórnendur skólans.  Þeir fylgjast með námi og ástundun umsjónarnemenda sinna og  liðsinna þeim í námsvali og við gerð námsáætlana.  
Sjá viðtalstíma kennara

Félagsmálafulltrúi
Félagsmálafulltrúi er Pelle Damby Carøe.
Hlutverk félagsmálafulltrúa Fjölbrautaskóla Suðurlands er að vera tengiliður milli kennara og nemenda og styðja við heilbrigt og skapandi félagslíf nemenda í skólanum.
Félagsmálafulltrúi:
•    sækir vikulega fundi nemendaráðs.
•    situr fundi skólaráðs.
•    miðlar upplýsingum milli ráðsins og stjórnenda skólans.
•    hefur umsjón með ballvöktum kennara.
•    er nemendaráði og skemmtinefnd til aðstoðar á kvöldvökum.
•    vinnur í forvarnarteymi ásamt forvarnarfulltrúa og námsráðgjafa að    mótun og framkvæmd forvarnastefnu.

Markmiðin með starfi félagsmálafulltrúa felast í því að:
•    efla félagsþroska og félagslíf nemenda.
•    stuðla að heilbrigðum lífsháttum nemenda.
•    koma með hugmyndir að skapandi félagsstarfi.
•    ýta undir þátttöku sem flestra nemenda í félagslífi.

Forvarnarfulltrúi
Guðbjörg Grímsdóttir er forvarnarfulltrúi. Hlutverk forvarnafulltrúa er að vera í forsvari fyrir stefnumörkun og framkvæmd forvarna í skólanum. Forvarnafulltrúi starfar með forvarnateymi.

Forstöðumaður bókasafns
Elín Kristbjörg Guðbrandsdóttir  gegnir starfi forstöðumanns bókasafns.
Hann hefur umsjón með daglegum rekstri bókasafns skólans, bókakosti, geisladiskum, myndböndum og öðrum safnkosti og lestrarsölum.  Hann kennir nemendum og kennurum safnnotkun og starfar með þeim að verkefnum sem krefjast sérstakrar þjónustu bókasafnsins.  Með bókasafnsfræðingi starfar Ingveldur Jónsdóttir bókavörður.


Kerfisstjórar
Kerfisstjóri er Ragnar Brynjólfsson og aðstoðarkerfisstjóri er Helgi Hermannsson. Kerfisstjóri sér um tölvunet og tölvur skólans.  Hann leiðbeinir kennurum og öðru starfsfólki eftir því sem tími vinnst til.  Hann er ráðgjafi skólameistara við kaup á  tölvum og þróun á tölvukosti skólans.

Þjónustustjóri tölvumála
Þjónustustjóri aðstoðar kennara og nemendur við ýmislegt er varðar tölvur og hugbúnað m.a. aðgangsheimildir, Moodle námsumhverfi, netaðgang fyrir fartölvur og vírusvarnir.  Helgi Hermannsson er þjónustustjóri tölvumála.

Fjármálastjóri
Fjármálastjóri er Haraldur Eiríksson.
Fjármálastjóri annast fjárreiður skólans, bókhald, greiðslu reikninga og innheimtu. 

Skólafulltrúar
Skólafulltrúar eru Helga Dögg Sigurðardóttir, Inga Magnúsdóttir og Nanna Þorláksdóttir.
Skólafulltrúar starfa á skrifstofu skólans og annast öll dagleg skrifstofustörf, símavörslu, útgáfu vottorða og innheimtu gjalda. Skrifstofan er opin á skólatíma dagskóla.

Húsvörður
Húsvörður er Arnlaugur Bergsson.
Húsvörður hefur í umboði skólameistara eftirlit með tækjum, húsnæði og lóð skólans og sér um viðhald  á eigum hans. Til hans skal leita ef tæki bila eða  þegar húsnæðis er þörf til félagsstarfa eða annarra nota.

Matráðskonur
Matráðskonur eru Aðalbjörg Kristín Kristinsdóttir, Guðrún Þorsteinsdóttir, Kristín Guðrún Gísladóttir og Sólrún Stefánsdóttir.

Jóhann Böðvar Sigþórsson vinnur í mötuneyti kennara.

Tækjastjóri
Tækjastjóri hefur umsjón með sjónvörpum, segulbandstækjum, myndbandstækjum, skjávörpum, myndavélum og kvikmyndavélum skólans. Hann sér til þess að þessir hlutir séu í lagi og kemur þeim í viðgerð þegar þurfa þykir. Tækjastjóri er Helgi Hermannsson.

Tölvuþjónusta
Starfsfólk tölvuþjónustunnar og verksvið þeirra eru í grófum dráttum sem hér segir: Helgi Hermannsson: aðstoðarkerfisstjóri, fastar útstöðvar og útprentun, þjónustustjóri tölvumála, fartölvur og notendaþjónusta. Ragnar Geir Brynjólfsson: kerfisstjóri, net og netþjónar.

Ræstingastjóri
Andrea Inga Sigurðardóttir er ræstingastjóri skólans.  Auk hennar sinna 16 starfsmenn skólans ræstingastörfum.