Tölvukerfi

Ýmislegt hagnýtt

Canon Skúlaskeiði sem skanni
Canon Skúlaskeiði,  store en ekki prenta
Moodle 2.5 leiðbeiningar
fsu netföng-tenging við gmail

Sími tölvuþjónustu er 4808133



Aðgangur að tölvukerfi

Þegar nemendur skrá sig í skólann fá þeir aðgang að tölvukerfi skólans, sitt eigið gagnasvæði innan Office 365 til að vista gögn á, og aðgang að útprentun í gegnum tölvur skólans.
Að hausti fá nýnemar afhent leyniorð. Nemandi þarf að passa vel uppá leyniorðið og mikilvægt er að þessar upplýsingar komist ekki í hendurnar á óviðkomandi.
Dæmi um notendaupplýsingar:

Notendanafn (sem er kennitala viðkomandi t.d.): 3112131230             Leyniorð: u2xRv5

Leyniorð dugar til að skrá sig inn í Innu, Moodle og inná tölvur skólans en leyniorðin eru ekki lengur samtengd þannig að skipta þarf um leyniorð annars vegar í INNU og hins vegar á heimasíðu skólans, gleymt lykilorð þar sem skipt er um lykilorð í Moodle og á skólatölvur. 
Nemendum er bent á að kynna sér vel reglur skólans um aðgang að tölvukerfinu.

Bilanir og bilanatilkynningar
Þegar tölva eða forrit vinnur ekki sem skildi er nauðsynlegt að endurræsa tölvu (jafnvel oftar en einu sinni) áður en þjónustubeiðni er gerð. Tilkynningar um bilanir eiga ekki að berast starfsmönnum tölvuþjónustu á göngum eða kaffistofu. Leitið til tölvuþjónustu í stofu 306b með vandamál. Kennarar geta hringt í innanhús-númerið 8306 ef vandamál koma í kennslu. Beint símanúmer tölvuþjónustu er 480-8146

Vinsamlegast athugið að atvik sem verða við tölvunotkun teljast ekki bilanir nema hægt sé að endurtaka þau á nákvæmlega sama hátt. Oft verða frávik frá venjulegri virkni sem orsakast vegna tilfallandi álags, sambandsleysis eða minnisleka í forritum. Ef atvik endurtaka sig þó búið sé að endurræsa tölvuna og bíða andartaksstund þá er líklegt að um bilun sé að ræða en fyrr ekki.

Innranet skólans-innskráning
Microsoft tölvukerfi er á skólanetinu. Kennarar og nemendur þurfa notendanafn og leyniorð inná allar skólatölvur (sama og í Innu og Moodle), bæði borðtölvur og fartölvur. Til að innskráningargluggi birtist þarf að halda niðri "Crtl" og "Alt" tökkum og smella á "Delete" takka.

Í innskráningarglugga þarf að rita:

Notandanafn - t.d. 3112131230
Aðgangsorð - t.d. Vvms45t
Til að fá upp innskráningarglugga getur þurft að smella á "Other user" 

Vistun gagna
Mikilvægt er fyrir alla er vinna við tölvur að gera sér fulla grein fyrir hvar gögn eru vistuð. Ekki er ætlast til þess að notendur borðtölva í skólanum visti gögn á harða diski tölvunnar. Nemendur og kennarar hafa allir sín eigin gagnasvæði á Office 365 og einnig er hægt að vista gögn í Moodle eða á USB lykli.   

C: er harði diskur tölvunnar sem geymir stýrikerfið sjálft, forrit og öll önnur gögn

Moodle - námskerfi
Moodle er kennsluumsjónarkerfi sem margir kennarar í skólanum nota fyrir sína áfanga. Við upphaf skólagöngu í FSu fá nemendur lykilorð inná kerfið (sama inná Innu og Moodle).
Í Moodle er hægt að skila verkefnum til kennara, skoða viðbótarefni  frá kennurum, fylgjast með einkunnum fyrir verkefni og próf, taka próf  og ýmislegt annað en þó er mismunandi hvernig kennarar nýta kerfið. 

Inna - upplýsingakerfi framhaldsskóla
Inna er upplýsingakerfi framhaldsskóla sem Fjölbrautaskóli Suðurlands hefur aðgang að og notað er í flestum framhaldsskólum landsins. Í kerfinu er haldið utan um skipulag náms, skráningu nemenda, stundatöflu- og próftöflugerð, námsferil og einkunnir, upplýsingar um húsnæði, starfsmannaupplýsingar og fleira.

Aðgangur að Innu
Í upphafi hverrar annar fá nemendur afhent lykilorð að Innu en með aðgangi sínum að kerfinu geta nemendur nálgast upplýsingar um stundatöflu sína, námsferil, viðveruskráningu og fleira með því að slá inn kennitölu sína og lykilorð.  Foreldrar geta fengið aðgang að Innu með því að fara á heimasíðu Innu af vef skólans- Inna nemendur. Smella á "Gleymt lykilorð" og slá inn kennitölu sína. Ef foreldri eða forráðamaður er með skráð tölvupóstfang hjá skólanum fær hann sendan póst með lykilorði, og getur nálgast upplýsingar um stundatöflu, fjarvistir og fleira.

Týnt lykilorð
Við of margar rangar aðgangstilraunir er lokað á viðkomandi nemanda í Innu og líða þá nokkrar mínútur áður en hægt er að reyna að nýju.
Á vef skólans, upphafssíðu, er tengillinn: Gleymt lykilorð. Smellið þar ef þið hafið gleymt lykilorði, setjið inn kennitölu og bráðabirgðalykilorð er þá sent á netfang sem er uppgefið í Innu.  Ath. þetta er tímabundið lykilorð sem hefur 15 mín. gildistíma. Innskráningu með þessu lykilorði þarf að framkvæma innan 15 mín. Breyta þarf tímabundnu lykilorði við fyrstu innskráningu í Innu, það þarf að vera minnst 8 stafir, bæði bókstafir og tölustafir, engir séríslenskir stafir. Ef þetta er ekki gert innan 15 mínútna þarf að sækja nýtt lykilorð aftur.

Vírusvarnir
Mikilvægt er að vera með veiruvarnaforrit á fartölvum til að verja þær og gögn sín gegn skemmdum. Algengt er að veirur berist í pósti og mikilvægt er að venja sig á að opna ekki póst, og alls ekki viðhengi, frá einhverjum sem maður þekkir ekki.

Skólinn gerir þá kröfu til nemenda sem eru með fartölvur sínar á innraneti skólans að þeir séu með virkar veiruvarnir á fartölvum sínum. Ókeypis vírusvörn er hægt að sækja á slóðina: http://avast.com.
Hægt er að leita eftir aðstoð með vírusvarnir og fleira hjá tölvuþjónustu í viðtalstímum í stofu 306b. 

Office 365
Allir nemendur skólans hafa aðgang að Office 365 pakkanum á meðan þeir eru skráðir í skólann og geta sett hann upp á 5 tölvum.   Sjá leiðbeiningar hér:   Athugið að innskráning í Office 365 er kennitalan@fsu.is þ.e. xxxxxxxxxx@fsu.is og svo sama leyniorð og inn á Moodle. 
Allir skráðir í skólann fá netfang sem samanstendur af fullu nafni, millinafni  og föður/eftirnafni en ekki sér íslenskum stöfum.  Dæmi: Jón Ævar Jónsson fær þá netfangið:   jonaevarjonsson@fsu.is og Þór Þórsson fær netfangið: thorthorsson@fsu.is