REIM3ÞG05 - Reiðmennska verklegt V – Markviss þjálfun

Lýsing:

Í áfanganum þjálfar nemandinn bæði sjálfstætt og undir eftirliti einn hest sem að hann fylgir eftir alla önnina. Setur sér markmið og gerir þjálfunáætlun fyrir hestinn. Markviss þjálfun byggð á þjálfunarstigum.

Forkröfur:HEST2KF03, REIM2KF05, FÓHE2HU03 (eða HEM402 og REM402)

Þekkingarviðmið:

Nemandi skal hafa öðlast þekkingu og skilning á:

• helstu þáttum þjálfunarlífeðlisfræði og þjálfunar hesta.
• hvað liggur til grundvallar æfingunum opnum sniðgangi og að láta hestinn ganga aftur á bak.
• gangtegundum íslenska hestsins og hvað liggur til grundvallar þjálfunar þeirra.

Leikniviðmið:

Nemandi skal hafa öðlast leikni í að:

• leggja rétt mat á einfaldar aðstæður og taka sjálfstæðar ákvarðanir varðandi verklag.
• nálgast fag sitt af ábyrgð og virðingu.
• hefur gott vald á eigin líkama, ásetu og stjórnun á hestbaki.

Hæfniviðmið:

Nemandi skal geta hagnýtt þá almennu þekkingu og leikni sem hann hefur aflað sér til að:

• geta þjálfað og bætt sinn eigin hest.
• hafa mjög gott vald á öllum ásetum og kunna að beita þeim rétt við þjálfun hestsins.
• geta notað sér reiðvöllinn og fjölbreyttar reiðleiðir markvisst við þjálfun hestsins.
• hafa vald á gangtegundaþjálfun og geta riðið allar gangtegundir nema skeið.
• hafa gott vald á hraðastjórnun og gangskiptingum.
• geta látið hestinn stækka og minnka rammann, á feti og brokki.
• hafa vald á æfingunum opnum sniðgangi (á feti) og að láta hestinn ganga aftur á bak.
• geta framkvæmt réttar gangskiptingar í jafnvægi.
• knapi og hestur í andlegu og líkamlegu jafnvægi.
• hafa stjórn á formi hestsins.
• að nota mismunandi fimiæfingar þegar við á til að bæta hestinn.

Námsmat:

Námsmat er fjölbreytt og felst meðal annars í ýmsum verkefnum, prófum, jafningjamati og sjálfsmati.

Útgáfunúmer:

Skólar:

Leiðbeiningar:

Fyrirmynd: