Fjölbrautaskóli Suðurlands

ÓLAFÍA RAGNHEIÐUR ER DUX SCOLAE

Sat, 30 May 2026 13:53:00 +0000

Önnur fjölmennasta brautskráning í sögu FSu fór fram föstudaginn 29. maí í íþróttahús skólans IÐU. Upphaf athafnarinnar var í höndum Stefáns Þorleifssonar kórstjóra og eflandi kórs FSu. Hugdís Erla Jóhannsdóttir söng á áhrifaríkan hátt lagið Dropi í hafi eftir Unu Torfadóttur. Þá samsöngur á lagi Páls Óskars – International en að lokum varð það aftur Hugdís sem söng Forget me eftir Laufeyju. Tónlistin hljómaði sérlega vel og myndaði gott intró að góðri og skipulagðri dagskrá.

Sumaropnunartími skrifstofu

Thu, 28 May 2026 09:19:00 +0000

Þann 1. júní n.k. breytist opnunartími skrifstofu skólans. Mánudagar - fimmtudagar: kl: 08:00 - 14:00 Föstudagar: kl: 08:00 - 12:00 Skrifstofan verður lokuð vegna sumarleyfa frá og með 24. júní og opnar aftur 5. ágúst.

Breytingar á gjaldskrá

Thu, 28 May 2026 09:04:00 +0000

Á skólanefndarfundi 17. apríl voru eftirfarandi breytingar samþykktar á gjaldskrá skólans: · Gjald vegna staðfestra afrita námsferla og skírteina, 1.000 kr./blað. · Fjarnáms- og kvöldskólagjald hækkar úr 2.500 kr. í 3.600 kr./einingu. · Mat á fjar...

LEIKSÝNING UM ÁST Í OFSAVEÐRI

Thu, 21 May 2026 16:03:00 +0000

26. febrúar síðastliðinn fór fjölmennur hópur FSu nemenda í áfanganum ÍSLE2BV05 að sjá rómaða leiksýningu Þjóðleikhússins á Gunnlaugs sögu ormstungu. Umfjöllunarefni áfangans snýst um hinar verðmætu bókmenntir okkar Íslendinga frá miðöldum. Má þar nefna eddukvæði, Íslendingasögur og ekki síst Snorra-Eddu sem lýsir fornum og heiðnum menningarheimi norrænna manna.

YNGSTA TORFÆRUKONA ÍSLANDS

Wed, 20 May 2026 18:05:00 +0000

Thelma Lind Árnadóttir sem er 17 ára gömul og stundar nám í vélvirkjun við FSu náði þeim tímamóta árangri í byrjun maí að vera yngsta konan til að taka þátt í torfærukeppni á Íslandi. Keppti hún á nýsmíðuðum bíl sem hún kallar TÚTTUNA og að sögn Borgþórs Helgasonar kennara hennar „smíðaði hún bílinn sjálf ásamt föður hennar upp úr gömlu FLUGUNNI.”

RAFMAGN OG FABLAB TIL FRAKKLANDS

Thu, 14 May 2026 21:52:00 +0000

Fjórir RAF kennarar FSu hleyptu heimdraganum og fóru í námsferð til Frakklands 17. til 23. mars síðastliðinn. Þór Stefánsson kennari í rafiðn - sem á lengstan starfsaldur núverandi kennara við FSu, Jóhann Snorri Bjarnason fagstjóri rafniðngreina við FSu og rafkennararnir Jón Sveinberg Birgisson og Guðmundur Bjarnason kenndur við bæinn Tún í Flóa. Auk þeirra fylgdi kerfis- og vefstjórstjóri FSu – og FAB LAB meistari Magnús Stephensen Magnússon.

LOKSINS BRÚÐULEIKHÚS Í FSu

Tue, 12 May 2026 14:35:00 +0000

Verkmenntakennararnir Jón Sveinberg Birgisson í rafiðn og Óskar Helgi Guðnason og Ari Már Ólafsson í tréiðn stunda nú kennsluréttindanám við Háskóla Íslands. Þar völdu þeir í sameiningu áfanga sem nefnist HÖNNUN OG SMÍÐI LEIKFANGA en megin markmið hans er að virkja sköpunargleði nemenda og vinna verkefni sem snúa að hönnun og smíði leikfanga.

HEIÐURSMENN HALDA TIL VESTJARÐA

Sat, 09 May 2026 14:32:00 +0000

Vordagana 30. apríl til 3. maí fóru húsasmíðameistarar FSu - Lárus Gestsson, Svanur Ingvarsson og Hjalti Guðmundsson í heimsókn til Ísafjarðar á vegum VERKMENNTAR sem er félag verkmenntakennara á Íslandi. Í framhjáhlaupi má geta þess að nefndur Svanur á heiðurinn að heitinu VERKMENNT. Huggulegir og menningarlegir buðu þeir að sjálfsögðu betri helmingi sínum í þessa ferð.

OG SVO ÞURFTI LÍKA AÐ MUNA AÐ ANDA

Mon, 04 May 2026 15:35:00 +0000

Dagana 9. - 13. apríl síðastliðinn lögðu nemendur FSu og kennarar í DANS3KF05 land undir fót og heimsóttu Kaupmannahöfn. Um valáfanga er að ræða á þriðja þrepi dönskunámsins og fjallar um danskar kvikmyndir, ferðalag og skáldsagnalestur. Að sögn Idu Lön kennara var undirmarkmiðið að þjálfast í að nota danskar almenningssamgöngur og kynnast viðurkenndri menningu og óskrifuðum dönskum reglum. Auk þess var fetað í fótspor annarra og eldri ferðalanga til að skapa eigin upplifun.

Skóladagatal 2026-2027

Mon, 04 May 2026 10:08:00 +0000

Kennsla vorannar hefst 19. ágúst 2026 og brautskráning verður 19. desember 2026. Kennsla haustannar hefst 7. janúar 2027 og brautskráning verður 25. maí 2027. sjá skóladagatal 2026-2027 hér.

RAFMÖGNUÐ NÁMSFERÐ

Wed, 29 Apr 2026 16:13:00 +0000

LANDSVIRKJUN – orkufyrirtæki í eigu þjóðarinnar – eins og segir á heimasíðu - bauð rafvirkjanemendum FSu í heimsókn síðasta vetrardag 22. apríl síðastliðinn. Nemendur á annarri og fjórðu önn fóru með rútu að Írafossstöð og fengu fræðslu um starfsemina sem þar fer fram og í kjölfarið var farið í skoðunarferð um stöðina.

Lokaverkefni nemenda við Garðyrkjuskólann fyrsti viðkomustaður forseta Íslands í heimsókn í Hveragerði

Wed, 29 Apr 2026 11:38:00 +0000

Forseti Íslands, Halla Tómasdóttir og eiginmaður hennar Björn Skúlason heimsóttu Hveragerði þann 29. apríl í tilefni af 80 ára afmæli Hveragerðisbæjar. Þeirra fyrsta verk í heimsókninni var að gróðursetja sitt hvort tréð í lokaverkefni þriggja nemenda af skrúðgarðyrkjubraut, þeirra Georgs Rúnars Elfarssonar, Jóhönnu Írisar Hjaltadóttur og Selmu Margrétar Karlsdóttur.

HINSEGIN DAGAR OG HINSEGIN VEGGUR

Mon, 27 Apr 2026 14:21:00 +0000

Hinsegin dagar voru haldnir hátíðlegir í Árborg vikuna 2. - 8. mars síðastliðinn. Af því tilefni fögnuðu FSu-ingar fjölbreytileikanum. Skólin var skreyttur hinsegin litunum, nemendur í kynjafræði útbjuggu veggspjöld með fróðleik um hinseginleikann og hengdu um skólann og fyrirlestur haldinn á sal fyrir nemendur um hinsegin samfélagið frá Samtökunum 78.

FAGLEGUR OG SKAPANDI SKÓLAFUNDUR

Tue, 21 Apr 2026 15:02:00 +0000

SKÓLAFUNDUR var haldinn í FSu síðastliðinn föstudag 17. apríl. En eins og segir í framhaldsskólalögum frá árinu 2008 - skal halda skólafund að minnsta kosti einu sinni á hverju skólaári. Rétt til setu eiga allir starfsmenn skólans ásamt fulltrúum nemenda. Á fundinum er rætt um málefni viðkomandi skóla. Skólameistari boðar til fundarins og leggur fram dagskrá - stýrir fundi eða felur öðrum stjórn hans.

Sumardagurinn fyrsti á Garðyrkjuskólanum

Wed, 15 Apr 2026 14:11:00 +0000

Að vanda verður opið hús í Garðyrkjuskólanum á Reykjum á sumardaginn fyrsta kl. 10-17.

FERÐIN TIL FLÓRENS

Wed, 15 Apr 2026 13:52:00 +0000

SJÖ kennarar hinnar öfluga sérnámsbrautar FSu ferðuðust alla leið til Flórens að sækja sér endurmenntun í liðnu páskafríi. En eins og margir Íslendingar vita er Flórens höfustaður Toskana á Ítalíu og sérlega sögufræg á miðöldum og ein af auðugustu borgum þess tíma. Auk þess er Flórens að jafnaði talin vera upphafsstaður Endurreisnarinnar eða Renaissance sem markar skil miðalda og nýaldar.

RAFMAGNSDEILDIN Á ÞÝSKRI LJÓSAHÁTÍÐ

Mon, 13 Apr 2026 15:13:00 +0000

Rafmagnsdeild FSu gerir það ekki endasleppt í vettvangsferðum og tækninýjungum því þann 7. til 11. mars síðastliðinn fóru fjórir kennarar ásamt níu nemendum á alþjóðlegu sýninguna Light&building sem haldin er annað hvert ár í Frankfurt í Þýskalandi.

ÁFRAM MANÚELA MAGGÝ

Fri, 10 Apr 2026 14:48:00 +0000

SÖNGKEPPNI framhaldsskólanna verður haldinn laugardaginn 11. apríl í Háskólabíó og fer keppnin fram í beinni útsendingu á RÚV. Hún hefur verið haldin allar götur síðan 1990 og margir af þekktum söngvurum Íslands í gegnum tíðina hafa tekið þátt í þessari mikilvægu keppni. Má þar nefna Emelíönu Torrini, Eyþór Inga, Glowie og Elínu Hall svo einhver nöfn séu nefnd. Síðast vann FSu árið 2022 með frábæru framlagi Emelíu Hugrúnar þegar hún söng lagið I´d Rather go Blind eftir Nashville söngskáldið Ettu James (1938 – 2012).

Í LEIT AÐ BARNAMENNINGU

Thu, 02 Apr 2026 20:46:00 +0000

Í tilefni af kyrrðarviku þessara páskahátíðar 2026 sem kennd er við dymbil (sem merkir trékólfur í kirkjubjöllu) er ekki úr vegi að rifja upp velheppnaða og fjölmenna vettvangsferð nemenda og kennara í íslenskuáfanganum ÍSLE3BB05 á síðustu önn.

SAMEIGINLEGIR KÓRTÓNLEIKAR FSu og ML

Fri, 27 Mar 2026 18:59:00 +0000

Síðdegis kórtónleikar FSu og ML hljómuðu í dag í Selfosskirkju. Kirkjubekkirnir þéttsetnir og Guðný heiðurskona Sigurðardóttir vísaði til sætis. Stjórnandi beggja kóranna er hugsjóna – og tónlistarmaðurinn Stefán Þorleifsson. Kórstarf hans verður seint ofmetið. Svo er gaman að tengja sögu þessara skóla saman í söng. Annar stofnaður 1953 og hinn 1981. Flaggskip menntunar á Suðurlandi. Og hljómur ungdómsins var góður í þessari fallegu kirkju sem heldur upp á 70 ára kirkjustarf um þessar mundir.