|
|
Lesefni: Hagnýt skrif bls. 16-19.
Verkefni 1
Listamenn eru atvinnumenn í hugmyndasöfnun. Þeir sem yrkja hefðbundin ljóð þurfa t.d. að renna margoft yfir orðasafnið í kollinum á sér til að finna rímorð og geta sumir verið býsna snöggir að koma saman skammlausri vísu. Þetta er ágætis æfing fyrir heilabúið. Prófaðu bara! Síðan getur þú flett upp í Rímorðasafninu til samanburðar.Finndu rímorð við:
ást hátíð fótur jörð hata farinn sinn vel þig seggur tún þrá anna víf lönd minnast sumar alda bók sól land heimur hár lóa
Verkefni 2
Finndu sem flest samheiti við nokkur eftirfarandi orð.
Notaðu fyrst eigin orðaforða. Berðu síðan saman við orðasafn bekkjarfélaganna. Flettu að lokum upp í Samheitaorðabókinni til að bæta við orðasafnið. Hafðu í huga að sú bók er langt frá því að vera tæmandi orðasafn.
hestur hópur heiðarlegur mistakast karlmaður kasta hávaði myndarlegur ganga (so.) ekkert heimskingi oft hraustur góður hreykinn ofdrykkjumaður mjög óttast illa öskureiður rola frægur illmenni dapur Prentvæn útgáfa af samheitaverkefni
Önnur útgáfa af sama verkefni
Verkefni 3
Finndu allt það sem hægt er að gera við vatn. Hér má til dæmis hafa í huga:Til dæmis er hægt að drekka vatnið, baða sig í því, sprauta því á náungann ...Vatn sem fast efni, fljótandi, loft ...? Vatn er lífsnauðsyn Skemmtun af vatni Hættur Kostir og gallar
Þetta á sumsé að verða langur listi og markmiðið að finna sem allra flesta möguleika.Flokkaðu síðan hugmyndirnar og settu upp hugmyndavef til hægðarauka.
Verkefni 4
Bættu hugmyndum við eftirfarandi lista.
Taktu afstöðu til viðfangsefnisins (með eða á móti því að íslenskan eigi rétt á sér), flokkaðu hugmyndirnar og raðaðu þeim í listann þannig að hægt sé að skrifa blaðagrein um efnið út frá honum. Athugaðu fyrirmyndina bls. 19 í Hagnýtum skrifum..Á íslenskan rétt á sér?
Fáir tala íslensku miðað við önnur tungumál Íslenskan er erfitt tungumál Þjóðernið er í hættu ef við tölum ekki íslensku Gaman er að tala mál sem fáir kunna Dýrt að kenna íslensku Enska er heimsmálið og því best að leggja áherslu á hana Íslensk menning er nátengd íslenskri tungu Íslenska er gagnslaus í erlendum samskiptum Bókmenntaarfurinn er það merkilegasta sem við eigum sameiginlegt Íslenskan er hvort sem er að deyja út Enskan er ekki það heimsmál sem sumir telja
Verkefni 5
Búðu til hugmyndavef um eitt eftirfarandi efna. Hafðu vefinn á bls. 19 til hliðsjónar.Prentvæn útgáfa af hugmyndavefVeturinn, kostir og gallar Bílar, kostir og gallar Áfengi, kostir og gallar Ástin Evrópusöngvakeppnin Uppeldi Verkefni 6
Rifjaðu upp það sem sagt er um hraðritun (bls. 17). Safnaðu hugmyndum með þessari aðferð um eitt efnanna hér á eftir:"Ég árið 2020." "Draumastarfið mitt." "Ef ég fengi stóra vinninginn ..." "Það sem ég vildi breyta."
Verkefnabanki við Hagnýt skrif © Gísli Skúlason / Mál og menning 2003