Verkefnabanki þessi er einkum ætlaður framhaldsskólanemum og kennurum sem nota bókina Hagnýt skrif. Flest eru verkefnin sniðin að þörfum nemenda á fyrsta námsári framhaldsskólans (103-203 eða 102-212). Þar eru þjálfuð ýmis undirstöðuatriði og vinnubrögð sem nýtast síðar í námi og starfi. 

Í efri áföngum má reikna með að bókin nýtist fremur sem handbók en eiginlegt  kennsluefni og því minni þörf fyrir sérstök verkefni fyrir þann nemendahóp. Þó eru hér einnig viðfangsefni sem kalla má fullboðleg fyrir stúdentsefni, til dæmis þau sem lúta að bókmenntaritgerðum og heimildavinnu. 

Vonandi verða fleiri verkefni lögð inn í þennan banka í tímans rás.  Ábendingar um lagfæringar og viðbætur eru vel þegnar, hvort sem þær snerta bók eða banka.