ÞJSK1ÞA02

ÞJSK1ÞA02

Þjónustusamskipti

Einingar: 2

                

Hæfniþrep: 1

                    

 

Lýsing: 

Í áfanganum er fjallað um samskipti í ferða-, hótel- og veitingagreinum. Rætt verður um þjónustuhugtakið og grunnþætti góðrar þjónustu og hvernig byggja megi upp og viðhalda traustu sambandi á vinnustað og í samskiptum við viðskiptavini/ferðamenn/gesti. Tekið er á úrlausnum vandamála, kvörtunum viðskiptavina/ferðamanna/gesta, mikilvægi sjálfstrausts í þjónustu og þjónustulund. Sérstök áhersla er lögð á framkomu og snyrtimennsku og mikilvægi þessara þátta í allri þjónustu.

Forkröfur: Engar

Þekkingarviðmið

Nemandi skal hafa öðlast þekkingu og skilning á:

  • grundvallaratriðum samskipta og góðrar þjónustu
  • hvernig byggja megi upp  traust samband við viðskiptavini/gesti/

ferðamenn  og samstarfsfélaga

  • hvernig viðhalda megi traustu sambandi við viðskiptavini/ferðamenn/

gesti

  • mikilvægi góðrar framkomu og snyrtimennsku

Hæfniviðmið

Nemandi skal geta hagnýtt þá þekkingu og leikni sem hann hefur aflað sér til að:

  • takast á við ólíkar uppákomur og aðstæður á vinnustað á viðeigandi hátt
  • eiga skýr og jákvæð samskipti við samstarfsfélaga og  viðskiptavini/ferðamenn/gesti
  • taka rökstudda ákvörðun um afstöðu til álitamála sem upp geta komið í samskiptum við viðskiptavin/ferðamann/gest

Leikniviðmið

Nemandi skal hafa öðlast leikni í að:

  • gera sér grein fyrir sérstöðu starfa í ferða-,hótel- og veitingagreinum
  • skilja mismunandi þarfir viðskiptavina
  • finna úrlausnir á vandamálum sem upp geta komið
  • takast á við kvartanir viðskiptavina/gesta/ferðamanna
  • byggja upp og viðhalda traustu sambandi

Námsmat: Símat sem byggirá leiðsagnarmati, jafningjamati og sjálfsmati

Leiðbeiningar og athugasemdir (fyrir aðra kennara)

Dags:  Febrúar 2014

Höfundur:  Helene H. Pedersen