FRAN1CC05

Titill

Grunnáfangi C

Námsgrein Franska
Viðfangsefni  
Skammstöfun FRAN1CC05
Staða  
Þrep 1                                                                   
Einingafjöldi 5
Tillaga að bókstöfum/tölustöfum skóla  
Lýsing

Viðfangsefni undanfaranna eru rifjuð upp og sett í nýtt samhengi. Áfram er unnið að aukinni færni nemenda í lesskilningi, tali, hlustun og ritun, þar sem fléttað er inn í kennsluna menningu frönskumælandi landa. Orðaforðinn er aukinn og ný málfræðiatriði þjálfuð.

Til að æfa þessi atriði geta eftirfarandi efnisþættir legið til grundvallar:

Fólk, þ.e. persónuleiki og útlit, líf þess og daglegar athafnir í þátið, nútíð og framtíð. Aðrir efnisþættir geta verið nám og störf, stutt kynning á skólakerfi viðkomandi landa, nám erlendis og að sækja um vinnu, svo og fjölmiðlar, m.a. kynning á útvarpi, sjónvarpi, dagblöðum og tímaritum frönskumælandi landa. Myndefni og tónlist er fléttað inn í kennslu eftir föngum. Samhliða vinnu í aðalkennslubók, lesa nemendur einfalda skáldsögu og leysa ýmis verkefni út frá henni.

Áhersla er lögð á að nemendur tjái sig sem mest á frönsku í töluðu og rituðu máli. Einnig er lögð áhersla á að nemendur beri ábyrgð á sínu eigin námi og sýni sjálfstæð vinnubrögð, frumkvæði og skapandi hugsun.

Forkröfur FRA1BB05
Þekkingarviðmið Nemandi skal hafa aflað sér þekkingar og skilnings á:
  • þeim orðaforða sem nauðsynlegur er til að mæta hæfniviðmiðum þrepsins
  • mannlífi, menningu og siðum í löndum þar sem tungumálið er talað sem móðurmál/fyrsta mál og þekkja samskiptavenjur
  • grundvallarþáttum málkerfisins
  • formgerð og byggingu texta og mismuninum á töluðu og rituðu máli
Leikniviðmið Nemandi skal hafa öðlast leikni í að:
  • skilja talað mál um kunnugleg efni þegar talað er skýrt og áheyrilega
  • lesa ýmiss konar texta á eigin áhugasviði eða texta um kunnugleg efni og beita viðeigandi lestraraðferðum eftir því hver tilgangur með lestrinum er hverju sinni
  • taka þátt í einföldum samræðum um efni sem hann þekkir eða hefur áhuga á og beita kurteisisvenjum, málvenjum og hljómfalli við hæfi
  • beita orðaforða á skýran og sem réttastan hátt hvað varðar málvenjur, framburð, áherslur og hljómfall
  • skrifa samfelldan texta um efni sem hann þekkir eða hefur áhuga á og nota viðeigandi málfar
  • fara eftir grundvallarreglum sem gilda um ritað mál
  • nota upplýsingatækni og hjálpargögn í tungumálanámi sínu 
Hæfniviðmið Nemandi skal geta hagnýtt þá almennu þekkingu og leikni sem hann hefur aflað sér til að:
  • fylgjast með frásögnum og erindum og ná aðalatriðum úr fjöl- og myndmiðlum ef efnið er kunnuglegt
  • afla sér upplýsinga, greina helstu atriði þeirra og hagnýta sér í náminu
  • tileinka sér aðalatriðin í stuttum tímarits- eða blaðagreinum og geta dregið ályktanir af því sem hann les
  • lesa skáldskap af hæfilegu þyngdarstigi og tjá skoðun sína
  • takast á við margvíslegar aðstæður í almennum samskiptum, beita viðeigandi mál- og samskiptavenjum og halda samtali gangandi
  • miðla eigin þekkingu, skoðunum og tilfinningum sem og persónulegri reynslu, vonum og væntingum
  • útskýra og rökstyðja ákvarðanir og fyrirætlanir sem og gera málamiðlanir
  • miðla efni sem hann hefur aflað sér þekkingar á
  • skrifa um atburði, ímyndaða og raunverulega
  • skrifa samantekt byggða á tilteknu efni, s.s. kvikmynd eða blaðagrein
  • skrifa um hugðarefni sín og áhugamál
Námsmat

Fjölbreytilegt námsmat.

Allir fjórir færniþættir tungumálsins eru metnir, þ.e. tal, ritun, hlustun, og lestur.

Útgáfunúmer  
Skólar  
Fyrirmynd Áfanginn er á stigi A2 skv. evrópska tungumálarammanum.