FÓHE3AU03 – Fóðrun og heilsa IV – Aðbúnaður og umhverfi

Lýsing: Meginviðfangsefni áfangans er að kenna helstu atriði sem hafa ber í huga við almennt hestahald. Hluti námskeiðsins fer fram í hesthúsum nemenda þar sem nemendur eru látnir bera ábyrgð á fóðrun og umhirðu hesta sinna. Úttekt fer fram í byrjun og lok námskeiðs en nemandi heldur skráningu á þjálfun og umhirðu hesta sinna og skilar skýrslu í námskeiðarlok. Á námskeiðinu verður yfir helstu reglugerðir um hestahald og aðbúnað hesta. Farið verður í hvernig huga skal aðstöðu í hesthúsi, s.s. stíustærð, vinnuplássi, viðrunargerði, kaffistofu, fóður- og hnakkageymslu. Farið verður yfir helstu grunnatriði varðandi loftræstingu og lýsingu. Þá verður farið yfir helstu atriði er lúta að hestum í haga, mat á landi, skiptingu stóðs, girðingar, fóðrun og skjól. Farið verður yfir helstu þætti er varða hrossarækt, uppeldi unghrossa og stóðhestahald. Nemendum verða kynnt öryggisatriði og helstu reglur varðandi hestakerrur og flutning á hrossum.

Forkröfur: HEST3ÞG03, REIM3ÞG05, FÓHE2FU03,

Þekkingarviðmið:

Nemandi skal hafa öðlast þekkingu og skilning á:

• reglum varðandi hestahald
• aðbúnaði hrossa í hesthúsi
• aðbúnaði hrossa í haga
• mikilvægi beitarstjórnar og mati á beitarálagi
• fóðrun hrossa á húsi
• fóðrun hrossa á útigangi
• mismunandi gerðum girðinga
• reglum varðandi girðingar á hrossahólfum
• reglum varðandi hesthús og umgjörð hesthúss
• helstu atriði er hafa ber í huga við skipulag á hesthúsi
• hvað ber að hafa í huga varðandi vinnupláss í hesthúsi
• hvernig haga skuli geymslu á fóðri
• helstu atriði er varða loftskipti í hesthúsi
• helstu atriði er varða lýsingu í hesthúsi
• umhverfi hesthúss og gerði
• helstu atriði er varða hrossarækt, uppeldi unghrossa og stóðhestahald.
• helstur reglum og öryggisatriðum hvað varðar hestakerrur og flutning á hrossum.

Leikniviðmið:

Nemandi skal hafa öðlast leikni í að:

• hugsa rétt um hesta, fóðra þá og meta líkamlegt ástand, s.s. holdastig og almennt heilbrigði
• gera umhverfi hestsins hestvænt
• meta gæði hesthúss
• halda hesthúsi með jöfnu hitastigi, hreinu og vel loftræstu
• setja upp aðstöðu í hesthúsi þannig að vel fari um menn og hross
• útiloka allar hættur eða slysagildrur sem kunna að skapast í illa hönnuðum hesthúsum
• halda gerði og ytra umhverfi hesthús í sómasamlegu ásigkomulagi
• setja upp algengustu gerðir af girðingum og viðhalda þeim
• meta ástand beitarhólfa
• skipt upp stóði eftir fóðurþörf hrossa og virðingastigi
• flutt hross milli staða á öruggan hátt

Hæfniviðmið:

Nemandi skal geta hagnýtt þá almennu þekkingu og leikni sem hann hefur aflað sér til að:

• geta borið ábyrgð á umhirðu hrossa í hans umsjá.
• geta haldið hesta og fóðrað þá við mismunandi skilyrði í samræmi við gildandi reglugerðir og lög hverju sinni
• meta beit og beitarálag
• fóðra hross eftir fóðuráætlun
• gera umhverfi hestsins hestvænt
• ala upp ung hross
• hafa umsjón með stóðhesti
• flytja hross á milli staða á öruggan hátt

Námsmat:

Námsmat er fjölbreytt og felst meðal annars í ýmsum verkefnum, prófum, jafningjamati og sjálfsmati.

Útgáfunúmer:

Skólar:

Leiðbeiningar:

Fyrirmynd: