FÉLA2KR05

Titill

Kenningar og rannsóknaraðferðir

Námsgrein Félagsfræði
Viðfangsefni Kenningar og rannsóknaraðferðir
Skammstöfun FÉLA2KR05
Staða  
Þrep 2
Einingafjöldi 5
Tillaga að bókstöfum-/tölustöfum skóla  
Lýsing Í áfanganum er fjallað um frumkvöðla félagsfræðinnar og kynntar helstu kenningar og rannsóknaraðferðir greinarinnar. Tengsl einstaklinga og samfélags eru skoðuð og greind í ljósi ólíkra kenninga. Í áfanganum er farið yfir vítt svið félagsfræðinnar og nemendur fá þjálfun í að beita félagsfræðilegu innsæi við túlkun á samfélaginu. Viðfangsefni líkt og frávik, félagsleg lagskipting,  kynhlutverk og áhrif fjölmiðla er einnig meðal efnisþátta. Kynntar verða eigindlegar og megindlegar rannsóknir og nemendur fá þjálfun í að beita rannsóknaraðferðum og fylgja vísindalegu rannsóknarferli auk þjálfunar í að túlka gögn og niðurstöður annarra rannsókna.
Forkröfur Sjónarhorn félagsvísinda/Einstaklingur og samfélag eða sambærilegur áfangi í félagsvísindum.
Þekkingarviðmið

Nemandi skal hafa aflað sér almennrar þekkingar og skilning á:

  • Helstu frumkvöðlum félagsfræðinnar og framlagi þeirra til greinarinnar,
  • kenningarsjónarhornum félagsfræðinnar; samskipta-, samvirkni- og átakakenningum,
  • megindlegum og eigindlegum rannsóknaraðferðum,
  • helstu grundvallarhugtökum félagsfræðinnar.
Leikniviðmið

Nemandi skal hafa öðlast leikni í að:

  • tengja saman rannsóknarniðurstöður og kenningar,
  • greina á milli ólíkra kenninga og beita þeim á mismunandi viðfangsefni samfélagsins,
  • beita félagsfræðilegum hugtökum í fræðilegri og samfélagslegri umfjöllun,
  • beita rannsóknaraðferðum á mismunandi viðfangsefni,
  • geta sett fram þekkingu sína í ræðu og riti.
Hæfniviðmið Nemandi skal geta hagnýtt þá almennu þekkingu og leikni sem hann hefur aflað sér til að:
  • sjá félagsleg málefni út frá mismunandi kenningarlegum sjónarhornum,
  • sjá og fjalla um samfélagið á gagnrýninn hátt,
  • geta lagt mat á rannsóknir í félagsvísindum,
  • geta metið eigið vinnuframlag og annarra,
  • öðlast skilning á eigin stöðu og hlutverki í samfélagi,
  • taka fræðilega afstöðu til samfélagslegra álitamála.
Námsmat Símat, verkefnavinna tengd hugtökum og kenningum jafnt og þétt yfir önnina. Tvö lotupróf. Annað gagnapróf og hitt hóppróf.
Útgáfunúmer  
Skólar  
Fyrirmynd