EFNA3CL05

Titill Lífræn efnafræði
Námsgrein Efnafræði
Viðfangsefni Lífræn efnafræði
Skammstöfun EFNA3CL05
Staða  
Þrep 3
Einingafjöldi 5
Tillaga að bókstöfum/tölustöfum skóla  
Lýsing Í áfanganum er farið í grunnatriði lífrænnar efnafræði. Eiginleikar, bygging og flokkun lífrænna efna eru skoðaðir sem og IUPAC-nafngiftakerfið. Einnig er farið yfir tengi lífrænna sameinda, hendni þeirra og helstu efnahvörf lífrænna efna. Áhersla er lögð á notagildi fræðanna, tengingu þeirra við daglegt umhverfi nemenda og undirbúning þeirra undir frekara nám.
Forkröfur EFNA2AE05, EFNA3BB05 er æskilegur undanfari en ekki nauðsynlegur.
Þekkingarviðmið Nemandi skal hafa öðlast þekkingu og skilning á:
  • lögun og tengjum lífrænna sameinda
  • svigrúmablöndun kolefnis, sp, sp2 og sp3 - svigrúmum
  • helstu reglum IUPAC-nafnakerfisins
  • helstu flokkum lífrænna efna, einkennum þeirra og byggingu
  • helstu efnahvörfum lífrænna efna
  • hendni lífrænna sameinda
Leikniviðmið Nemandi skal hafa öðlast leikni í að:
  • finna og lýsa sp, sp2 og sp3 svigrúmablöndun kolefnis í mismunandi efnasamböndum
  • nota flokkun og nafngiftakerfi lífrænna efna
  • teikna mismunandi rúmísómerur og byggingarísómerur
  • segja til um hendni sameinda
  • skrifa og túlka efnahvörf lífrænna efna
  • afla sér efnafræðilegra upplýsinga frá mismunandi miðlum
  • beita grunnhugtökum lífrænnar efnafræði á skilmerkilegan hátt og í rökrænu samhengi
  • beita einföldum efnafræðilegum aðferðum í verklegum æfingum og skrifa skýrslur
Hæfniviðmið Nemandi skal geta hagnýtt þá almennu þekkingu og leikni sem hann hefur aflað sér til að:
  • leggja mat á áreiðanleika niðurstaðna verklegra æfinga sinna
  • tengja efnafræðina við daglegt líf og umhverfi og sjá notagildi hennar
  • sjá tengsl mismunandi náttúrufræðigreina og yfirfæra þekkingu milli þeirra
  • taka þátt í umræðum um efnafræðileg málefni daglegs lífs á ábyrgan og sjálfstæðan hátt
  • afla sér frekari þekkingar á viðfangsefnum lífrænnar efnafræði
Námsmat Námsmat er útfært í kennsluáætlun í samræmi við skólanámskrá
Útgáfunúmer  
Skólar  
Fyrirmynd EFN 313