Stúdentsbraut - listalína

Stúdentsbraut - listalína  (ST2-L)

Stúdentsbraut - listalína er bókleg og verkleg 200 eininga námsbraut með námslok á 3. hæfnþrepi. Náminu er ætlað að veita nemendum góða undirstöðumenntun í bóklegum greinum og listgreinum. Meðal sérgreina á brautinni eru leiklist, myndlist, kvikmyndasaga, nýsköpun og miðlun og hönnun og textíll. Mögulegt er að meta tónlistarnám á 2 þrepi, þ.e. miðpróf, til eininga í listgreinavali. Námið veitir góðan undirbúning fyrir framhaldsnám í listgreinum, s.s. myndlist og hverskonar hönnun, og einnig fyrir nám í menntunarfræðum. 

Meðalnámstími er 6-7 annir. Brautin er 200 einingar sem skiptast í kjarna og faggreinar 172-182 einingar. Frjálst val er 18 - 28 einingar sem nemandinn velur sjálfur.  Hafa þarf í huga að einingar á þriðja þrepi þurfa að vera að lágmarki 34 og samanlagður einingafjöldi á öðru og þriðja þrepi þarf að vera að lágmarki 134.

Röðun í byrjunaráfanga í dönsku, ensku, íslensku og stærðfræði tekur mið af hæfnieinkunn úr grunnskóla og til að hefja nám á öðru hæfniþrepi þarf einkunn B eða hærra. Nánari leiðbeiningar um inntökuskilyrði og röðun í kjarnaáfanga.

*Missi nemendur af félagsfræði og umhverfisfræði á fyrsta þrepi taka þeir aðra áfanga í félags- og náttúrufræðigreinum í staðinn.

Mikilvægt er að nemendur dýpki sig í ákveðnum greinum til að vera betur í stakk búnir til að takast á við frekara nám og mæta aðgangsviðmiðun þeirrar námsleiðar sem þeir stefna á í háskóla eða frekara námi (sjá aðgangsviðmið háskólanáms).
Við skipulagningu náms er nauðsynlegt að nemendur hafi samráð við náms- og starfsráðgjafa.

Listalína - eldri námsbraut

Lýsing: Á listalínu gefst nemendum kostur á að ljúka stúdentsnámi með áherslu á listgreinar að eigin vali.

Kjarni: sjá Stúdentsbraut-opin lína en nemendur á listalínu þurfa ekki að velja þriðja mál)

Listir og menning (LIME): 10 ein.

Nemendur velja að auki 45 ein. úr eftirfarandi greinum:

Kvikmyndasögu

Leiklist

Listum og menningu

Myndlist

Textíl og fatahönnun

Tónlist og tónlistarsögu

Frjálst val: 59 ein.

Mikilvægt að nemendur hafi eftirfarandi í huga við val:

Til að ljúka stúdentsprófi þarf að ljúka að lágmarki 67 ein á 2. þrepi og 33 ein á 3. þrepi.  Lágmarksfjöldi ein. til að ljúka stúdentsprófi er 200 ein, af þeim þurfa minnst 134 ein að koma af 2.-3.þrepi.