Grunnmenntabrú

Grunnmenntabrú er 90 eininga námsbraut á fyrsta hæfniþrepi. Námið er ætlað nemendum sem hafa ekki náð fullnægjandi námsárangri (einkunn D) í einni eða fleiri kjarnagreinum grunnskóla (íslensku, ensku og stærðfræði). Inntökuskilyrði á brautina eru að nemendur hafi lokið grunnskóla.

Markmið með námi á brautinni er að vekja áhuga nemandans á námi í framhaldsskóla og styrkja námshæfni hans. Hópastærð á brautinni er takmörkuð við 10-15 nemendur og námstíminn getur verið allt frá einni upp í fjórar annir. Mikið samráð er við forráðamenn nemenda. Nemendur fá aðhald og stuðning í námi til að ná markmiðum sínum. Náminu lýkur með framhaldsskólaprófi en eftir að hafa lokið  kjarnagreinum á 1. þrepi geta nemendur innritast á aðrar námsbrautir skólans óski þeir eftir því.

Röðun í byrjunaráfanga í kjarnagreinumm (ensku, íslensku og stærðfræði) tekur mið af hæfnieinkunn úr grunnskóla. Þetta á einnig við um dönsku. Námsgengi ræður síðan hve fljótt nemandinn nær hæfni til að hefja nám á öðru hæfniþrepi. Nánari leiðbeiningar um inntökuskilyrði og röðun í kjarnaáfanga.

Brautarlýsing í námskrárgrunni: námskrá.is

Námið á grunnmenntabrú skiptist í kjarna og val ásamt íþróttum. Einingafjöldi á fyrstu önn skal ekki fara yfir 25-29 einingar. Heildareiningafjöldi eftir fyrstu önn byggir á námsgengi á fyrri önn. Þegar nemendum gengur vel getur einingafjöldi verið allt að 34-35 einingar. Þegar nemendum gengur illa þá fækkar einingunum.